Nipi i ‘El Chapo-s”, Enrique Homero Guzman Rocha, 45-vjeç është gjetur i pajetë në makinën e tij.
Ndaj tij ishte organizuar një atentat, në qytetin Culiacan, të shtetit meksikano-veiror Sinaloa, ndërsa ky ishte atentati i dytë që ishte organizuar ndaj tij, pas atij që dështoi një vite më parë.
Nipit të liderit famëkeq El Chapo, të kartelit më të madh të drogave në Sonaloa, i është marrë jeta teksa lufta mes bandave rivale është përkeqësuar me karantinën për shkak të shpërthimit të COVID-19.
Trupi i Enrique Homero Guzman Rocha u identifikua nga të afërmit para se të dërgohej në mjekësinë ligjore për analiza.
“The Sun” shkruan se në 2019 Enrique Homero Guzman Rocha i kishte mbijetuar një atentati me eksploziv në makinë dhe kishte marrë vetëm disa plagë të lehta.
Enrique është vëllai i një prej vrasësve më famëkeq të El Chapo-s, Juan Guzman Rocha i cili u vra në 2011 pasi u mor peng dhe u torturua nga bandat rivale.
Akti i fundit shënon një përkeqësim të luftës së përgjakur për kontroll brenda kartelit të Sinaloa, teksa edhe muajin që shkoi trupat e shtatë të dyshuarve si vrasës të kartelave ishin lënë në një rrugë të paasfaltuar në një zonë rurale.
Ministri i sigurisë publike Cristobal Castaneda tha: “Ishin shtatë trupa, shumica e të cilëve me veshje taktike ushtarake. Duket qartë se është një luftë mes bandave të organizuara kriminale”.
