Nga Boldnews.al
Arkivolë të rreshtuar në magazina të mëdha, makina ushtrie që transportojnë trupat e pajetë, nuk gjendet një vend për varr! Këto nuk janë shprehje të një apokalizmi surreal, por publikimet me video dhe fjalë të kryeministrit Edi Rama në mars dhe prill të këtij viti, kur vendosi që e gjithë popullsia të karantinohej, e mbyllur në shtëpi.
Çdo çast ai shfaqej në rrjetet sociale duke bërë rolin e mjekut, policit, specialistit të shëndetit, apo deri në rolin e babait të vendit. Po sot ku është kryeministri Edi Rama, që në çdo fjali fliste për armikun e padukshëm dhe nxirrte në pah veten si shpëtimtarin e vendit?!
Ndërsa të gjithë kërkonin testime masive në popullsi për të izoluar sa më shumë të mundej përhapjen e koronavirusit, kreu i qeverisë hakërrehej me masa represive. Nxirrte ushtrinë në rrugë, policinë e çdo lloj tjetër zyrtari që mbante veshur një uniformë. Hartonte natën apo në mëngjes herët ndryshime në Kodin Penal për shtimin e ndëshkimeve për ata që thyenin karantinën.
Po sot ku është “gjenerali” që luftoi me armikun e padukshëm? Vetëm brenda 24 orëve janë tre pacientë që humbën jetën nga koronavirusi. Ndërsa shumica e vendeve të BE-së valën e madhe e kaluan në mars-prill-maj, Shqipëria po kalon të kundërtën. Pikërisht në qershor pati valën më të egër dhe për fat të keq po vijon me ritme të frikshme.
Po ky gjeneral i vëtëshpallur sot nuk flet më për koronavirusin, sepse u “pezmatua shumë” kur mori kritika se u bë bajat që ditë e natë të shfaqej në rrjetet sociale si lugati i paftuar që të prishte gjakun edhe më shumë se rëndesa e izolimit dhe varfërisë.
Prej një muaji Rama duhet të ishte çdo ditë në mbledhje dhe takime për të analizuar situatën me koronavirusin pasi nga fillimi në mars të këtij viti dhe deri tani janë 79 pacientë të cilët kanë humbur jetën nga “COVID-19”. Ky padyshim që është alarm, madje mjaft i madh që kërkon masa serioze.
Rama duhet të fliste për QSUT-në (Qeëndrën Spitalore Universitare Nënë Tereza), e cila është kthyer në një vend ku mortja përhapet lirshëm. Duhet të ishte zona më i sigurt për masat ndaj koronavirusit, por u bë përhapësi më i frikshëm të saj. Pas hapjes së madhe një muaj më parë, QSUT dhe institucionet në vend u bënë vatër infektimesh. Shumë pacientë shkonin për tu trajtuar për një sëmundje tjetër, por pikërisht në ambientet spitalore u infektuan me koronavirus.
Po ashtu ka një numër mjaft të lartë të personelit mjekësor të prekur me COVID-19. Vetëm brenda një muaji brime të Boldnews.al kanë mësuar se u infektuan gjëtë kryerjes së detyrës 176 persona, mjekë, infermierë dhe personel ndihmës.
Masat mbrojtëse mbesin në nivele minimale, ndonëse janë kryer dhjetëra tendera përgjatë pandemisë për blerjen e materialeve që shërbejnë për mbrojtne nga COVID-19. Mjekët dhe infermierët ankohen se nuk kanë marrë maska dhe veshje speciale në sasinë e duhur. Pikërisht këto probleme rritën numrin e të infektuarve që u pasua nga personeli mjekësor tek pacientët e shtruar dhe më pas edhe tek familjarët e tyre. Për këto problematika që vijnë nga institucionet e vendit “gjenerali i vetëshpallur” nuk ndjehet, përkundrazi i konsideron disa statistika pa vlerë humbjet e jetëve njerëzore.
