Arsenal ka probleme, Wenger bën thirrje për bashkim!

Trajneri i Arsenal, Arsene Wenger, ka kërkuar nga tifozët dhe futbollistët të qëndrojnë të bashkuar, pas humbjes në çerekfinalen e Kupës së Anglisë ndaj Watford në “Emirates Stadium”. “Topçinjtë” u mposhtën nga golat e shënuar nga Odion Ighalo dhe Adlene Guedioura. Danny Welbeck realizoi golin e ngushëllimit në minutën e fundit për Arsenal. Wenger, edhe pse është trajneri më i suksesshëm në historinë e klubit londinez, rrezikon largimin pasi një pjesë e tifozëve të Arsenal kanë nxjerrë banderola kundër tij. Arsenal u mposht 2-0 në Watford në çerekfinalet e Kupës së Anglisë Menjëherë pas humbjes, Wenger u shpreh: “Rrugës tonë të gjatë në Kupën e Anglisë i erdhi fundi dhe fundi vjen në një mënyrë të trishtë sepse unë nuk mendoj se meritonim të humbin këtë ndeshje. Ndoshta duhet të fajësohemi për golin e parë, por goli i dytë i tyre ishte me një goditje fantastike. Kjo ishte tamam një ndeshje kupe. Nuk shfrytëzuam qarkullimin e topit në 1/3-t e fushës së kundërshtarit. Watford është një skuadër që luan me ritëm dhe varet nga Ighalo dhe Troy Deeney.” Arsenal rrezikon ta mbyllë sezonin pa trofe I pyetur nëse sezoni i Arsenal mund të konsiderohej i dështuar nëse eliminohet nga Barcelona në mesjavë në Champions League (ka humbur 2-0 në ndeshjen e parë) dhe nëse nuk fiton titullin kampion (ku po humbet gjithnjë e më shumë teren), Wenger u përgjigj: “Ju nuk mund të garantoni, që në një ndeshje kupe ne mund të mos fitojmë si fitoi Watford sot. Le të përqendrohemi te ndeshja me Barçën dhe të japim maksimumi tonë. Nuk është koha për analiza. Kjo është koha që të qëndrojmë të gjithë të bashkuar, futbollistë, staf teknik, drejtues dhe tifozë.”