Adama Traoré i ka befasuar të gjithë këtë sezon në Premier League. Lojtari i krahut i Wolverhampton po shkëlqen për “Ujqërit” teksa ka shënuar 4 gola dhe ka dhënë 9 asiste, i dyti pas Kevin De Bruyne, sa iu takon pasimeve për gol.
Kështu, sipas ESPN, futbollisti i datëlindjes 1996 ka përfunduar në listën e dëshirave të klubeve më të rëndësishme në Europë. Dy, qëndrojnë mbi të gjithë: Manchester City, në kërkim të një zëvendësuesi për Sané, i transferuar te Bayern Munich, dhe Juventusi i drejtuar nga Sarri.
Objektivi i të huajit spanjoll është Champions-i. Në rast të mos kualifikimit, Traoré do të kërkojë largimin nga Wolverhampton, edhe pse në vitin 2018, kur “Ujqërit” e morën nga Middlesbrough për 20 milionë euro, ai firmosi kontratë 5-vjeçare.
Tri vitet e mbetura në kontratë padyshim që paraqesin një pengesë për të interesuarit, gjithashtu çmimi. Klubi anglez e vlerëson Traoré në rreth 90 milionë euro.
