Gazetari Fahri Balliu në një intervistë për Baton Haxhiun, ka rrëfyer se si e ka njohur ai ish-kryeministrin Sali Berisha si mjek në Mamurras.
Sipas Balliut, Berisha ishte po aq i njohur edhe gjatë periudhës së komunizmit.
“Sali Berisha në komunizëm ka qenë po kaq i njohur sa s’është sot. Unë e kam njohur si mjek në Mamurras. Mjekësia dhe letërsia bënin bashkë atë, por Sali Berishën nuk ka njeri që nuk e njihte atëherë. Ishte kardiologu më i mirë”, tha Balliu.
“Ishte njeriu që ka futur njohuritë e para dhe ka përdorur emrat e Frojdit dhe të Jungut kur bënte pushimet në Pogradec dhe kudo. Njeriu i leximeve të shkëlqyera të Dostojevskit. Ti e di vetë, po unë po e them për publikun. Të gjithë shkrimtarët, letrarët dhe gazetarët ishin të namuruar pas tij. Vlerat intelektuale të tij pastaj u betonuan me qëndrimet principale, sovraniste të tij dhe të djathta gjatë pluralizmit”.
Fahriu thotë që Berisha po i ndal “komunistët” dhe shqiptarët mezi presin të enjten që të dëgjojnë çfarë thotë ai.
“Dhe ky është duke i ndalur, dhe në Shqipëri mezi presin të enjten. Dhe nuk besoj të ketë ditë më të zezë për Edi Ramën, sepse është ditë si ta çosh në psikiatri. Ditën e enjte, thotë ishallah të kishte qenë java e hënë, e martë, e mërkurë, e premte… Këtë se nuk e bën dot më ai të enjten, por Sali Berisha nuk gënjen kurrë… E do vendin e vetë dhe e mbron parlamentin. Parlamenti ka 19 kriminelë të çertifikuar dhe kryekriminelin e ka me çertifikata të tjera. Çfarë është bërë në atë parlament, si t’iu përgjigjesh këtyre analfabetëve, si puna e atij që fliste në Dibër, që bënte oratori me tulla dhe me beton. S’ka çfarë t’i bëj këtyre njerëzve dhe ndaj i përdor këto metoda të komunikimit. Dhe vokopolari i tij është i pasur për shkak edhe të leximeve… Ndaj kjo është arsyeja pse reagon Berisha kështu”.
