Një shtetas ka rrëmbyer dy persona e më pas u ka kërkuar një shumë prej 5000 lekësh (të reja) të dy familjeve për t`i liruar ata.
Efektivët e policisë kanë mundur ta kapin shtetasin Ali Bardhi, banues në fshatin Godolesh Elbasan.
Shtetasi Bardhi dyshohet të ketë mbajtur rreth katër orë shtetasit A.Ç, 21 vjeç dhe shtetasin E.H, 16 vjeç, të dy banues në fshatin Godolesh Elbasan, me pretendimin se pasi janë futur në Ullishten në pronësi të tij, ia kanë dëmtuar.
Më pas dy shtetasit A.Ç dhe E.H, janë lënë të lirë nga shtetasi Ali Bardhi, pasi është paguar me një sasi prej 5000 lekë (të reja) nga familjarët e dy shtetasve.
Materialet i kaluan Prokurorisë së Rrethit Gjyqësor Elbasan për veprime të mëtejshme për veprën penale “Heqja e Paligjshme e lirisë” dhe “Vetëgjyqësia” parashikuar nga nenet 110/a dhe 277 të Kodit Penal.
