Shoqata Mjeksore të Teksasit (Texas Medical Association) ka publikuar shkallën e rrezikut nga Covid-19, nisur nga aktivitetet e përditshme.
Studimi është publikuar nga eksperti i shëndetit publik, Erion Dasho, i cili shprehet se duhet njohur dhe vlerësuar rreziku i ekspozimit ndaj COVID-19 gjatë aktiviteve të jetës së përditshme.
“Ndonëse disa aktivitete nuk janë shumë popullore midis ne shqiptarëve, nuk doja të cënoja të drejtën e autorit duke bërë ndryshime. Shpresoj t’i gjeni të dobishme!”, shkruan Dasho.
Referuar studimit të publikuar, rreziku më i lartë nga Covid-19 paraqitet në palestra, kinema, teatro, drekë bufe, parqet e lojrave, vajtja në stadium apo në ceremoni mortore me pjesëmarrje të lartë.
Ndërsa më pak ekspozim ka në rastet e hapjes së letrave, shëtitje, vrapim apo lojëra golfi.
