Kryeprokurori Adriatik Llalla i është shmangur edhe një herë pyetjeve të gazetarëve lidhur me kërcënimet që i janë bërë atij dhe familjes së tij.
Ai ishte i pranishëm sot në aktivitetin e organizuar për diplomimin e Magjistratëve, teksa nuk ka preferuar të përgjigjet nëse ndihet i kërcënuar dhe në çfarë situate ndodhet ai dhe familja e tij sot. Llalla është përgjigjur shkurt duke thënë: “Sot jemi për një çështje tjetër. Pjesa më e madhe e prokuroreve janë femra, shumë prokurore femra dinë të përballen me kërcënime”, tha ai.
