James Rodriguez dhe Gareth Bale janë të tepërt në skuadrën e Real Madrid dhe këtë e ka bërë të qartë vetë trajneri i skuadrës, Zinedine Zidane.
Kështu Real Madrid me bekimin e teknikut francez, po punon për të gjetur blerës për dy nga futbollistët më të shtrenjtë të skuadrës.
Ashtu siç raporton “Marca”, për Zizu, lojtarët nuk janë thelbësorë, sidomos duke ditur se ish-ylli i Tottenham ka luajtur vetëm 100 minuta që kur ka rinisur La Liga, ndërsa kolumbiani edhe më pak, duke e nisur vetëm njëherë si titullar.
Momentalisht nuk ka asnjë interesim konkret për futbollistët duke parë edhe pagat e larta të tyre me “Los Blancos” dhe ku të paktën Gareth Bale ka treguar se nuk është i gatshëm të ulë në mënyrë drastike pagën për të ndryshuar ambient.
