FIFA ka dënuar Federatën Shqiptare të Futbollit 50 mijë franga.
Ndëshkimi financiar ka ardhur për shkak të sjelljes jo të mirë të tifozëve shqiptarë në ndeshjen e parë të fushatës kualifikuese të Grupit G, në kuadrin e Botërorit “Rusia 2018”, në stadiumin “Loro Boriçi”.
Lajmi është publikuar edhe nga britanikja “Daily Mail”. Sipas kësaj të fundit, veç Shqipërisë, për tejkalim të caqeve e rregulloreve të përcaktuara nga FIFA, janë dënuar edhe Italia, Argjentina, Brazili, Hondurasi, El Salvadori, Meksika, Peruja, Paraguaji dhe Kanadaja.
