Ambasadori i BE-së në Tiranë, Luiggi Soreca, përmes një postimi në rrjetet sociale, ka reaguar pas lajmit të autoriteteve të Ministrisë së Shëndetësisë për numrin rekord të të infektuarve me Covid-19 në vend.
“Ne duhet të jemi të vetëdijshëm se lufta me koronavirusin nuk ka përfunduar ende. Mbajtja e distancës fizike në vende publike do të thotë eliminim i përhapjes së Covid-19. Kontribuoni në sigurinë kolektive. Mbani distancën fizike”, shkruan Soreca.
Gjatë 24 orëve të fundit janë konfirmuar 90 raste me koronavirus, shifra më e lartë e regjistruar në Shqipëri, që prej rastit të parë më 9 mars 2020. Ndërkohë 3 persona kanë humbur jetën në 24 orët e fundit, duke rënduar bilancin e viktimave nga Covid-19 në 72.
