Kryeministri Edi Rama ka qenë sot në Maliq të Korçës në kuadër të programit për rilindjen e fshatit.
Duke biseduar me fermerët, kryeministri Rama ka hedhur edhe një akuzë ironike ndaj paraardhësit të tij, Sali Berisha, duke thënë se ka “ngrënë” fazanët dhe kaprojtë.
“Pylli i fazanëve aset i rëndësishëm i zonës. Sigurisht fazanët dhe kaprojtë i hëngri Saliu. Pylli i fazanëve dhe kaprojve atraksion i jashtëzakonshëm turistik. Siç iku edhe pelikani kaçurrel se iu bë nervi kaçurrel nga Saliu. Të gjitha do kthehen me moratoriumin e gjuetisë”, tha Rama ndërsa fliste për anën turistike të zonës, duke përmendur pyllin e fazanëve dhe kaprojve.
