Sulmuesi argjentinas, Diego Perotti, ka folur me nota kritike cilësinë e fushave në Serie A, duke i krahasuar ato me të njëjtën që kanë terrenet sportive në klubet e kategorisë së tretë në Argjentinë.
Duke folur për “ESPN Redes”, Perotti akuzoi se pikërisht për shkak të cilësisë së keqe të terreneve ku luhen ndeshjet e kampionatit italian, ka pësuar shpesh dëmtime ai, por edhe futbollistë të tjerë.
“Të luash në “San Siro” kundër Interit apo Milanit, terreni është i njëjtë me atë të Deportivo Moron në kategorinë e tretë në Argjentinë. Edhe në “Olimpico” terreni është skandaloz. E kam ngritur zërin edhe kur u dëmtuan Zaniolo e Demiral, të dy në një ndeshje.
“Kam luajtur në Spanjë, në Almeria, që ndonëse ishte në vendin e fundit, kishte terren perfekt. Ndoshta ka lidhje me klimën, por mund të them me bindje që terrenet këtu lënë shumë për të dëshiruar”, tha Perotti.
