Një grua 45-vjeçare nga Vlora, që ka rrëfyer historinë dramatike të jetës së saj dhe dhunën e ushtruar nga bashkëshorti, është perballur live në studio me vëllanë e saj, i cili e ka akuzuar për mashtrim.
Përballja ndodhi në studion e emisionit me “Zemër të Hapur”, në “News 24”.
Gjatë emisionit pjesëmarrës u bë edhe vëllai i 45-vjeçares, i cili në një rrëfim paksa të ashpër dhe kundërshtues, hodhi poshtë atë qe tregoi motra e tij Veronika.
Sot në përballjen vëlla dhe motër u mësuan detaje të tjera, vërtetësinë e të cilave e kemi të vështirë ta pohojmë.
Vëllai i Veronikës: Më vjen turp këtu në Vlorë kur ajo del e flet aty.
Veronika: Mua të mos më futet në jetën private ai. Do ta kërkoj unë atë njeri të vijë në studion tuaj e të flasë aty
Vëllai: Boll po të them moj se ke hedhur një fëmijë tjetër në koshin e plehrave
Veronika: Nuk është e vërtetë zonja gazetare
Kujtojmë që Veronika iu drejtua emisionit për të marrë divorcin nga bashkëshorti me të cilin kishte 4 fëmijë, ndërsa rrëfeu arsyet se pse njërën vajzë e kishte braktisur në jetimore. Kur vëllai e akuzoi live për braktisjen e një tjetër fëmije, Veronika zgjodhi të largohet nga përballja duke mbyllur telefonin, veprim që ngre pikëpyetje të mëdha.
