Aktori i njohur i serialit “Rocky IV” Dolph Lundgren, ka njoftuar këtë muaj fejesën me Emma Krokdal por është përballur me një det komentesh tallëse nga fansat, disa prej të cilëve mendojnë se nusja është një nga vajzat e aktorit.
Suedezi Dolph Lundgren i njoftoi 2.1 milionë fansave të tij se është fejuar me stërvitësen personale Emma Krokdal, 24 vjeçe. Bukuroshja Emma shkëlqen në fotot me aktorin veteran, por komentuesit çapkënë thonë e ngatërrojnë atë me vajzat e Dolph, 24 vjeçaren Ida apo 18 vjeçaren Greta.
“Vajza jote është fejuar? Të lumtë Dolph”, “Dolph ti ke një prezencë madhore, edhe vajza jote duket shumë bukur”, “Me vajzën tënde je martuar?” – ishin disa nga komentet.
Aktori protagonist i serialit ‘Rocky’ Sylvester Sallone ishte nga të parët që uroi ish-kolegun për lajmin: “Urime miku im. Je më i miri.”
Dolph bëri publike në janar marrdhënien me Emma, e cila është 38 vjet më e vogël.
Dolph u bë i njohur në vitin 1985 me rolin në Rocky IV si boksieri impresionues sovjetik Ivan Drago. Prej atëherë ai ka luajtur në më shumë se 40 filma, thuajse të gjithë në zhanrin e aksionit.
