Rudina Hajdari prej vitesh është e martuar me një shtetas amerikan të cilin ka preferuar ta mbajë larg vëmendjes së publikut dhe medias. E ftuar pasditen e djeshme në “E diell” në Top Channel, deputetja ka treguar si e ka njohur bashkëshortin.
Ajo ka treguar se për herë të parë me bashkëshortin është takaur kur ka qenë 16 vjeçe dhe zbuloi si ka reaguar e ëma, gjyqtarja e shkarkuar, Fatmira Hajdari.
“Ka qenë moment shumë i bukur sepse me bashkëshortin jemi takuar në adoleshencë. Jemi takuar në plazh. Mami erdhi në Amerikë dhe unë i thoja të gjitha gjërat. Ua tha sa i bukur qenka. E pëlqeu shumë. Unë e dija çfarë kisha zgjedhur. Burri është shumë i qetë, i dashur dhe një baba i përkushtuar. Vajza ime është me shumë fat që ka një baba të tillë”, tregoi deputetja.
