Hungarezët votuan dje në një referendum për shpërndarjen e refugjatëve sipas një plani të BE-së. Referendumi u bë sipas kërkesës së kryeministrit kontrovers, Viktor Orban.
“Dëshironi ju që Bashkimi Evropian, edhe pa miratimin e Parlamentit të na diktojë strehimin e detyruar të qytetarëve johungarezë në Hungari”?
Kjo është pyetja retorike që Qeveria hungareze u vë përpara rreth tetë milionë hungarezëve në referendumin e së dielës.
E që këtë ta kuptojnë të gjithë, në të gjithë vendin janë varur pllakate që bëjnë thirrje për “Jo”.
95 për qind e hungarezëve që dolën në referendum votuan kundër kuotave të BE-së, por referendumit nuk iu përgjigjën 50 për qind e popullatës, ndaj është i pavlefshëm.
