Paraditen e sotme u mësua se mesfushori i Skënderbeut, Jean Ndeki, ishte larguar nga skuadra korçare.
Ndaj këtij lajmi ka reaguar vetë klubi korçar me anë të një postimi në faqen zyrtare. Skënderbeu bën të ditur se lojtari kishte kontratë për huazimin e lojtarit deri më 31 maj me Fortuna Dyseldorfin në Gjermani, por për shkak të shpërthimit të pandemisë dhe kushteve të krijuara, palët arritën një marrëveshje për shtyrjen e huazimit deri në përfundim të sezonit.
Gjithashtu klubi shton se në kushtet kur lojtari kishte një dëmtim dhe kërkonte trajtim të specializuar jashtë shtetit u vendos që palët të mbyllnin bashkëpunimin me marrëveshje.
Postimi i klubit:
Klubi Futbollit “Skënderbeu” pas lajmeve për largimin e Jean Ndecky nga Klubi bardhkueq në median e shkruar kërkon të sqarojë publikun se:
KF Skënderbeu pas marrëveshjes me Klubin Gjerman të Fortuna Düsseldorf ka pasur një kontratë huazimi me lojtarin që përfundontë në 31 maj.
Në kushtet e krijuara nga Pandemia “COVID-19” palët arritën marrëveshjen për shtyrjen e bashkëpuninit deri në përfundimin e sezonit 2019/20.
Më pas në kushtet kur lojtari kishtë një dëmtim që kërkonte trajtim të specializuar jashtë shtetit, konkretisht në Francë, palët e mbyllën me mirëkuptim marrëveshjen e arritur.
KF Skënderbeu falenderon palët për bashkëpunimin dhe i uron Jean Ndecky suksese në vijim.
Faleminderit për mirëkuptimin !
