Janë zbardhur detaje të reja nga ngjarja e regjistruar mëngjesin e sotëm në në fshatin Darragjat të njësisë administrative Dajç, Shkodër ku u qëllua me breshëri plumbash ndaj 50-vjeçarit Alban Luka.
Mësohet se autorët i kanë zënë pritë, e kanë ulur në gjunjë e kanë kërcënuar dhe më pas kanë qëlluar me automatik drejt makinës së tij.
Mësohet se Alban Luka ka qenë duke udhëtuar i vetëm në mjetin e një kushëriri të tij, kur iu zu pritë nga dy persona të maskuar me motorçikletë.
Në makinë mësohet se janë gjetur 11 plumba. Ngjarja ka ndodhur rreth orës 06:45.
50-vjeçari ka deklaruar para grupit hetimor se nuk ka konflikte dhe nuk e ka idenë rreth këtij atentati.
