Talenti norvegjez, Erling Haland, ka zbuluar se ai nuk ka asnjë interes të largohet nga Borusia Dortmund në merkaton e verës.
19-vjeçari ka thënë se verdhezinjtë janë një nga klubet më të mëdha në botë dhe se me ta ka nënshkruar një kontratë afatgjatë.
Norvegjezi ka qenë i lidhur me shumë skuadra të mëdha Real Madrid, Manchester United apo Juventus por duket se e ardhmja e tij afatshkurtër do të jetë në Dortmund.
Në një intervistë për “WAZ” Haland u shpreh: “Unë jetoj të tashmen. Unë sapo kam mbërritur në Dortmund dhe nuk po mendoj të largohem. Dortmund është një nga klubet më të mëdha në botë. Kam nënshkruar një kontratë të gjatë dhe nuk mendoj për të ardhmen. Unë dua të arrij diçka të madhe me Dortmund, jo të qëndroj gjithmonë i dyti. Dua ta fitoj titullin sa më shpejt të jetë e mundur”, përfundoi Erling Haland.
