Ministrja e Shëndetësisë, Ogerta Manastirliu, ka qenë sot në një vizitë tek spitali universitar “Shefqet Ndroqi”. Ajo ka folur edhe mbi skenarët që do ndiqen nëse vijon përkeqësimi i situatës.
Manastirliu ka bërë të ditur se do të konsiderohet rihapja e “Shefqet Ndroqit” si një spital Covid. Ajo ka thënë se kjo do ndodhi nëse shtohen rastet e rënda në terapi intensive.
Manastirliu ka bërë të ditur se mjekët e këtij spitali e kanë eksperiencën e fituar në luftën kundër Covid-19. Nëse rriten rastet tek Infektivi, do të hapet spitali Covid3, “Shefqet Ndroqi” dhe më pas parashikohet hapja e Covid4, në varësi të fluksit.
“Është bërë edhe parapërgatitja për çdo skenar të mundshëm edhe në spitalin ‘Shefqet Ndroqi’. Është sigurisht mundësia e rikthimit në spital COVID në rast se do të kemi flukse të mëdha në terapinë intensive”, tha Manastirliu.
