Trajneri i portierëve te Partizani, Mario Kapeçe, ka ndërprerë marrëdhëniet me klubin e kuq. Sipas raportimeve arsyeja e këtij largimi është se mes palëve nuk ka pasur një marrëveshje për rinovimin e kontratës.
Tashmë kampionët në fuqi të Superligës janë vënë në lëvizje për të gjetur zëvendësuesin e tij. Ashtu siç raporton Panorama Sport” këtë pozicion e ka marrë Erjon Meta, i cili së fundmi ka qenë përgatitës i portierëve tek Apolonia në Kategorinë e Parë.
Meta vjen pas një eksperience në Angli, ku ka punuar në akademitë e klubeve si Kristal Palas dhe Çarlton Atletik.
