William Carvalho ka arritur një marrëveshje personale me Leicester City-n, ndërsa tashmë mbetet që klubi i Premier League të bie dakord për shumën e transferimit me Real Betis.
Leicester e cilëson mesfushorin si objektivin kryesor të verës dhe janë të gatshëm të bëjnë një investim të madh për 28-vjeçarin.
Ashtu siç raporton “Radio Marca”, marrëveshja mes lojtarit dhe Leicester është arritur por që gjithçka të përfundojë me sukses duhet që dy klubet të arrijnë marrëveshjen mes tyre.
Betis kërkon rreth 20 milionë euro për William Carvalho, i cili prej disa vitesh është një lojtar i rëndësishëm në kombëtaren portugeze.
