Duket se skuadra e Barcelonës nuk mund të përballojë financiarisht afrimin në skuadër të dy objektivave të mëdha të merkatos, Neymar dhe Lautaro Martinez.
“Vetëm një goditje do të bëhet”. Me këtë titull e hap gazetën e përditshmja katalanase “Sport” , e cila tregon dëshirën e blaugranëve për të blerë një sulmues të mirëfilltë por nga ana tjetër nostalgjia për Neymar është shumë e madhe për tu injoruar.
Duke pasur parasysh ndërlikimet në negociatat me Interin për Lautaro Martinez, debati është i hapur në shtëpinë e Barçës: më mirë t’i jepet përparësi rikthimit të Neymar? Drejtuesit e klubit, megjithatë, do të preferonin t’i vinin në dispozicion, trajnerit Quique Setien, një sulmues si argjentinasi i Interit.
