Artur Zheji me tone të ashpra i është adresuar kreut të qeverisë, Rama, që sipas tij,“Etja për Para dhe për Mbipushtet absolut, e ka shndërruar kryeministrin shqiptar, në një Bishë të Pangopur dhe Budallaqe, që nuk pyet për asgjë dhe shpërfill gjithshka”, thotë Zheji në një shkrim te “360 gradë”.
Sipas tij protesta e sotme e qytetarëve kundër importit të mbetjeve është fillimi i fundit i një kryeministri që e trajton popullin që e zgjodhi dhe ata që e mbështetën, si lodra me të cilat ai mund të luajë si të dojë dhe në fund ti thyejë!
“Shqiptarët kanë sot përballë tyre, një person që ka humbur ekuilibrin, që ka sy por nuk sheh, që ka veshë por nuk dëgjon, që ka qindra sinjalizime paralajmëruese se po gabon rëndë, por që ka zbuluar pasionin e të kaluarit me semafor të kuq, të cdo rruge dhe të cdo vendimmarrjeje!”, shkruan Zheji.
