Bashkëshorti i Inva Mulës, Hetem Ramadani do të ndiqet penalisht. Këtë gjë e ka kërkuar shoqata e Mjekëve të Kosovës pasi Hetemi gjatë një deklarate të dhënë në një emision është shprehur se mjekët janë vrasësit më të mëdhenj në botë.
“Mjekët janë ndër vrasësit më të mëdhenj në botë, për shkak të gabimeve dhe për shkak të mosdijes dhe interesave që janë agjentë të farmacisë”, ka thënë Ramadani teksa ishte i ftuar në një emision në Kosovë.
Mjekët në Kosovë kanë deklaruar se fjalët e biznesmenit dhe mësuesit të meditimit, njollosin figurën e mjekut.
Bluzat e bardha nuk do të lejojnë që të cënohet dinjiteti dhe integriteti profesional i tyre, ndaj kërkon që Ramadani të ndiqet penalisht.
