Një aksident automobilistik është regjistruar mëngjesin e sotëm në autostradën Lushnjë-Rrogozhinë.
Mësohet se një automjet tip Ford me targa AA 678 i drejtuar nga një 30-vjeçar ka humbur kontrollin duke u përplasur me trafikndarësen dhe barrierat e hekurta anësore.
Ngjarja ka ndodhur rreth orës 08:30 -në afërsi të fshatit Golem. Si pasojë e aksidentit ka mbetur i dëmtuar lehtë njëri nga 4 udhëtarët.
Shërbimet e policisë ndodhen në vendngjarje dhe po punojnë për të zbardhur rrethanat e aksidentit.
