Operacioni Forca e Ligjit i ka dërguar ditën e sotme formularët e vetë-deklarimit të pasurisë, dy shtetasve me banim në Tiranë, një me banim në Lezhë dhe një me banim në Kurbin, në kuadër të operacionit anti-KÇK, të nisur prej fillimit të shkurtit.
Sipas burimeve zyrtare, OFL u ka dërguar kërkesat për vetëdeklarim të pasurisë, shtetasve:
M. Z., banues në Tiranë, i dënuar për veprën penale “Vjedhja me dhunë, e kryer në bashkëpunim”;
L. I., banues në Tiranë, i dënuar për kryerjen e veprës penale “Vjedhja me dhunë”;
F. X., banues në Kurbin, i dënuar për kryerjen e veprës penale “Trafikimi i narkotikëve”;
Gj. K., banues në Lezhë, i dënuar për kryerjen e veprës penale “Trafikimi i narkotikëve”;
Burime bëjnë me dije se këta shtetas janë: Mino Zotaj, Luan Ibro, Flamur Xeka, dhe Gjon Kola.
“Këta individë, si subjekt i Ligjit Special, duhet t’u përgjigjen me shkrim, brenda 48 orësh, të gjitha pyetjeve të OFL-së dhe më pas, përgjigjet e marra do t’i dërgohen SPAK-ut, për veprime të mëtejshme.” thuhet në njoftimin e OFL-së
