Dani Alves është përballur shumë herë me rivalin e tij Cristiano Ronaldo dhe në një intervistë të fundit ai ka treguar sa e vështirë ishte të markoje portugezin.
Duke folur për “Hoy no se sale” braziliani ka treguar se Ronaldo është lojtari që ka hasur më shumë vështirësi për ta markuar në karrierën e tij. Sipas tij në mënyrë që të bllokoje sulmuesin e Juventusit duhej të ishe gjatë gjithë kohës i përqendruar në maksimum.
“Kundërshtari më i vështirë me të cilin jam përballur ka qenë pa dyshim Cristiano Ronaldo. Ai është tipi i lojtarit që nëse nuk je 100% i fokusuar do të të shmanget ty dhe do të bëj të dukesh si budalla. Por kur unë isha me Guardiolën mendoj se e kam bërë të vuaj më shumë se më ka bërë ai”.
