“Turi” është një ndër emrat më të përfolur të ditëve, pasi po e hasim kudo në rrjetet sociale, në protesta dhe në muhabetet e përditshme. Ai ishte një personazh në një nga pyetjet skandaloze të provimit të Gjuhës Shqipe dhe Letërsisë i cili shkaktoi revoltën e maturantëve ndaj institucioneve arsimore.
Por, “Turi” nuk ka munguar as në protestën e sotme të Shoqatës së Transportit Publik. Disa nga protestuesit mbanin pankarta në duar ku kishin ironizuar me personazhin e “Turit”.
“A do bëhet Turi shofer autobusi?!”, “Edhe Turi e do transportin publik”, “Babi i Turit është shofer autobusi” ishin disa nga mbishkrimet në pankarta. Siç duket “Turi” po bëhet aq shumë i famshëm sa do e ketë zili dhe vetë kryeministri Edi Rama.
