Në një lidhje skype në “Tempora” nga Sonila Meço në RTV Ora, gazetarja e Ora News Alba Kepi nga Italia bëri një denoncim të fortë, duke thënë se bashkëpunimi mes bashkisë Tiranë dhe asaj të Veronës, nuk kishte si qëllim vetëm menaxhimin dhe përpunimin e mbetjeve, por edhe një hidrocentral për prodhimin e energjisë elektrike.
Kujtojmë se Antimafia Italiane ka vënë nën hetim me akuzën e bashkëpunimit me grupe mafioze e përvetësim të paligjshëm fondesh, ish kryetarin e bashkisë së Veronës, Flavio Tosi, i cili ka drejtuar këtë qytet për më shumë se 10 vite deri më 2017. Ky operacion i rëndësishëm i antimafias në Itali ka lidhje me Shqipërinë dhe bashkinë e Tiranës.
Kepi: Unë kam në duar dorë gjithë dokumentacionin kur bashkëpunimi mes Bashkisë së Tiranës dhe asaj të Veronës ka filluar në mars të vitit 2016 dhe e them për herë të parë se qëllimi i këtij bashkëpunimi nuk është vetëm ajo që parashikohet në memorandum mes dy vendeve për një ndihmë për menaxhimin e mbetjeve urbane dhe përpunimin e tyre.
Kam vënë re se në këto memorandum kam vënë re se bashkia e Veronës ka pasur një qëllim tjetër edhe në sektorin e tregun e lirë. Kjo bashki ka pasur si qëllim shfrytëzimin e një hidrocentrali të energjisë elektrike në lumin Shkumbin, në zonën Peqin-Kavajë. E them me bindej pasi kam dokumentacionin e plotë.
