Kryeministri Edi Rama është i vetmi kryeministër europian që i sulmon mediat sa herë ndodhet në pozitë të vështirë politike.
Edhe pse ka kapur më shumë se 90 përqind të mediave, kryeministri nuk rresht së akuzuari ato media që nuk i ka nën kontroll.
Duket se kryeministri e ka marrë me frikë protestën e nesërme të qytetarëve kundër ligjit të mbetjeve dhe për këtë fajëson mediat.
Pas sulmeve mbrëmë në emisionin “Opinion”, edhe sot ka mbajtur po të njëjtin qëndrim duke i cilësuar ato ‘kazan’.
Me anë të një mesazhi në rrjetin social “Facebook” Rama teksa është ndalur tek ikonat e ‘shpëtuara’ nga shteti, pasi më parë ruheshin nga koleksionisti Gjergji Thimo, ndërsa tha se mediat çfarë nuk kurdisën me këtë rast.
“Në tetor te 2013 sekuestruam 476 objekte te vjedhura. Gjyqi mbaroi. Mediat e kazanit të politikës së verbër të baltës e mllefit, na kërdisen e s’na lanë gjë pa thënë, duke na akuzuar deri edhe si grabitës të kësaj pasurie të popullit!”, shkruan Rama.
