134 raste të reja pozitive me COVID-19 dhe 8 viktima janë regjistruar në 24 orët e fundit në Maqedoninë e Veriut.
Autoritetet vendase të shëndetësisë kanë raportuar se në Klinikën Infektive kanë humbur jetën një 65 vjeçare, një 68 vjeçar dhe një 76 vjeçar. Në Spitalin “8 Shtatori” nuk mundën të mbijetojnë dy 77 vjeçarë. Në Klinikën e Urologjisë vdiq një 86 vjeçar nga Kumanova. Ndërkaq, dy të vdekurit më 13 qershor nga Tetova, sot i diagnostikuan pozitiv teste post-mortum.
Shkup 5 të vdekur – total 62
Tetovë 2 të vdekur – total 32
Kumanovë 1 i vdekur – total 29
Në toal numri i viktimave në Maqedoninë e Veriut ka arritur në 201.
Gjatë 24 orëve të fundit janë konfirmuar dhe 134 raste pozitive me COVID-19 nga 1173 teste të realizuara. Në Shkup 97 raste të reja, gjithsej 1995 raste. Në Tetovë 11 raste, gjithsej 441. Në Kumanovë 5, gjithsej 651. Në Resnjë 7, Strugë 3, nga 2 në Kërçovë dhe Krushevë. Kurse nga 1 rast u shënuan në Manastir, Prilep, Veles, Kavadar, Vallandovë, Kratovë dhe Negotinë.
Numri i të prekurve në Maqedoninë e Veriut ka arritur në 4.289, raste aktive janë 2.331 ose 574 më shumë se të shëruarit. Mbi 45 mijë testet e bëra deri më sot, gjithsej 9,5% kanë rezultuar pozitiv.
