Trajneri i Barcelonës, Quique Setien, ka deklaruar se duke filluar nga ndeshja kundër Leganes-it, ai do të bëjë një rotacion në skuadër.
Setien i përdori të gjitha zëvendësimet në fitoren 4-0 në transfertën e Mallorcës ditën e shtunë dhe si duket ai ka ndërmend ta ndjekë këtë strategji deri në përfundimin e sezonit.
“Idea është të bëjmë ndryshime dhe do të ketë shumë ndryshime në formacion në ndeshjet e ardhshme. Do të vlerësojmë se si lojtarët do të reagojnë fizikisht në kaq shumë ndeshje të ngjeshura.”
“Rotacioni do të bëhet me efekt që performanca e skuadrës mos të ulet për shkak të minutave të tepërta. Duhet të shmangim dëmtimet dhe të sigurojmë që në fushë të jenë lojtarët më të përgatitur fizikisht.”
Barcelona- Leganes, luhet nesër në orën 22:00.
