Bashkëkryetari i Reformës Zgjedhore, Damian Gjiknuri ka propozuar që Këshilli Politik të rimblidhet sërish ditën e nesërme në orën 11:00. Pritet se cila do të jetë përgjigjia e tre anëtgarëve të tjerë, Oerd Bylykbashit, Petrit Vasilit dhe Rudina Hajdarit.
Në kërkesën dërguar anëtarëve të tjerë, Gjiknuri kërkon që në mbledhjen e nesërme duhet të trajtojnë të gjitha temat e mbetura dhe të miratojnë gjithë paketën e amendimeve që adresojnë marrëveshjen e arritur.
“Kjo bëhet edhe më e mprehtë nga nevoja për të kaluar të gjitha procedurat parlamentare deri në miratimin e saj në seancë plenare, duke pasuar edhe me zgjedhjen e organeve përkatëse brenda këtij sesioni parlamentar që mbaron në fund te Korrikut 2020. Çdo vonesë në miratimin e ligjit dhe zgjedhjen e organeve të reja të KQZ do të rrezikojë fillimin e implementimit të teknologjisë për identifikimin elektronik në të gjithë vendin”, shkruhet në e-mailin e dërguar nga Gjiknuri.
Më tej, deputeti shton se temat e tjera që kanë vendosur t’i adresojmë të ndara nga Kodi Zgjedhor, t’i trajtojmë në një mbledhje tjetër pasi puna e këtij Këshilli do të vazhdojë sikurse është rënë dakord me trajtimin e çështjes së Sistemit Zgjedhor, Ligjit për Referendumet dhe Ligjit pë Financimin e Partive Politike.
