Moderaotrja Alketa Vejsiu është shprehur se nuk do të marrë pjesë kurrsesi në prezantimin e një tjetër festivali në RTSH.
E ftuar në ‘Provokacija”, Vejsiu tha se ajo skenë nuk i ka dhënë atë kënaqësi që ajo ka dashur t’i jepte dhe se herën tjetër do të jetë duke duartrokitur prezantuesit e radhës.
“Jo, absolutisht jo. Do jem në skenë patjetër për të duartrokitur grupin e produksionit të radhës por nuk do të jem në festivalin madh këtë vit. Ky festival për 3 netë me radhë nuk më prodhoi kënaqësinë që unë doja të merrja. Profesionalisht ishte shumë e mirë por nga pikëpamja emocionale pati disa shije të kompromentuara,”- tha Vjesiu.
Kujtojmë që Alketa prezantoi Festivalin e 58 të RTSh-së vitin që shkoi, gjë që u shoqërua me shumë polemika, sidomos pas shpalljes së fitueses, Arilena Ara. Madje, u përfol për një përplasje mes Vejsiut dhe Vera Grabockës.
Ajo gjithashtu u përfol shumë për faktin se ka ndërruar shumë fustane gjatë 3 netëve. Disa nga kolegët e saj në televizion madje filluan të ‘talleshin’ dhe të bënin humor.
