Autoritetet policore italiane të Trevizos e Komos kanë shkatërruar bandën italo-shqiptare të trafikut të lëndëve narkotike.
Në kuadër të këtij operacioni janë ekzekutuar 5 masa arresti me burg, 1 arrest shtëpie e 12 kontrolle banesash ndaj anëtarëve të një grupi kriminal që trafikonte marijuanë, kokainë e anfetamina nga Shqipëria, Gjermania, Britania e Madhe e Rumania drejt Italisë. Pasi mbërrinte në Itali lënda narkotike tregtohej në rajonet Lombardi e Veneto.
Mes të arrestuarve është një shqiptar nga Kopliku i konsideruar anëtar i klanit Ndranghetist me veprim në qytezën Erba të Komos e drejtuar nga familja mafioze “Varca–Crivaro“.
Ai është autori i vrasjes së shqiptarit Besnik Metaj 39 vjec në prill të vitit 2017 i cili i gjet u varrosur nudo e i ekzekutuar me armë zjarri në kokë, në malin Cornizzolo. Ai u ekzekutua për mungesë pagese të një ngarkese droge. Gjatë hetimeve të operacionit janë sekuestruar 350 kg marijuanë , 270 gramë kokainë e amfitemina.
Gjithashtu gjatë hetimeve janë arrestuar në flagrancë 8 korrierë droge.
