Kryeministri Edi Rama ka nxjerrë në profilin e tij në Facebook një video sqaruese me të dhënat zyrtare të Policisë së Shtetit, sipas tij deri dje të mbajtura sekret.
Ky reagim i Ramës vjen pas akuzave të shumta që ka hedhur Partia Demokratike për drogën që ka mbuluar vendin.
Ndërkohë që sulmet kanë ardhur edhe brenda radhëve të PS-së, ku Koço Kokëdhima deklaroi mbrëmë se situata me drogën është më keq se në kohën e Berishës.
Por Rama mendon të kundërtën dhe tregon në video se ku është gjetur kanabis në Shqipëri në vitet 2007-2013, kohë kur ka qeverisur e djathta.
“Çfarë nuk na kanë thënë vite të tëra për kultivimin e kanabisit në Shqipëri”, shkruan Rama.
