Shkencëtarët paralajmërojnë se koronavirusi nuk do të jetë pandemia e fundit me të cilën do të përballemi.
Kjo pikëpamje vjen nga ekspertët globalë të shëndetit, të cilët studiojnë se si dhe ku shfaqen sëmundjet e reja.
Si pjesë e studimit, ata ndërtuan një “pasqyrë” për të parashikuar se cilat sëmundje nga jeta e egër mund të rezultojnë me rrezikshmëri tek njerëzit.
Kjo qasje e hulumtimit udhëhiqet nga shkencëtarët në Universitetin e Liverpool, në Mbretërinë e Bashkuar, por është gjithashtu pjesë e një përpjekjeje globale për të zhvilluar mënyra për t’u përgatitur për shpërthimet e ardhshme.
“Në 20 vitet e fundit, ne jemi përballur me gjashtë kërcënime serioze – SARS, MERS, Ebola, gripi i shpendëve dhe gripi i derrave”, tha Matthew Baylis për BBC News.
“Ne hodhëm pesë plumba, por i gjashti na mori”, u shpreh ai.
“Dhe kjo nuk do të jetë pandemia e fundit, me të cilët do të përballemi, kështu ne duhet të monitorojmë nga afër sëmundjet nga jeta e egër”, ka thënë ndër tjerash Baylis.
