Charlize Theron duket se i ka vënë syrin një tjetër çmimi “Oscar”.
Bukuroshja 41-vjeçare fitoi një Academy Awards në vitin 2004 duke shtuar 13 kilogramë për rolin e saj si vrasëse seriale në filmin “Monster”.
Tashmë Theron duket se i është rikthyer metodave të vjetra pasi u shfaq me një figurë shumë më të plotë dhe të mbushur në sheshxhirimin e filmit të saj të ri “Tully”.
Pesha e shtuar ishte aq e dukshme sa dhe dramatike, që dëshmon edhe një herë përkushtimin e thellë të Charlize kundrejt aktrimit.
Ajo luan rolin e një nëne me tre fëmijë dhe natyrisht që 3 shtatzani të kaluara nuk mund të përshtateshin me format zakonisht sexy të Charlize. Të shohim nëse do t’ia vlejë barra qiranë këtë herë.
