Policia ka zbardhur sherrin mes dy familjeve Dhana dhe Akibeaj pasditen e djeshme në Berat.
Mësohet se është arrestuar një person dhe janë proceduar penalisht dy të tjerë. Ngjarja ka ndodhur në lagjen “Barrikada”. Konflikti ka ndodhur për motive të dobëta.
Sipas burimeve zyrtare sherri ka degraduar deri në përdorimin e mjeteve të forta dhe prerëse dhe për pasojë kanë marrë dëmtime disa persona të përfshirë në konflit të cilët u dërguan në spital për ndihmë mjeksore. Po gjatë konfliktit shtetasi K.Dh, ka plagosur rëndë me mjet prerës shtetasin A.A., i cili ndodhet në spital nën kujdesin e mjekëve.
Pas hekurave ka përfunduar shtetasi K.Dh., 52 vjeç banues në Berat, si dhe janë proçeduar shtetasit G.A., 46 vjeç, E.A., 44 vjeç, dhe M.Dh., 38 vjeçe .
Materialet i kaluan Prokurorisë së Rrethit Gjyqësor Berat për veprat penale për shtetasin K.Dh “Plagosje e rëndë me dashje” dhe “Plagosje e lehtë në bashkëpunim” për 3 shtetasit e tjerë.
