Deputeti i Lëvizjes Socialiste për Integrim Përparim Spahiu deklaroi sot se do të marrë pjesë në protestën e shoqërisë civile kundër ligjit për importin e mbetjeve.
Spahiu, i cili është njëkohësisht kandidat për kreun e LSI, abstenoi ligjin në seancën e 22 shtatorit.
Në një postim në “Twitter” Spahiu thotë se mbështet shoqërinë civile, duke mbështetur rrjedhimisht edhe referendumin për këtë çështje.
“Vendosa që në 1 Tetor, të jem bashkë me shoqërinë civile, që për mua ka gjithmonë të drejtë!”, shkruan Spahiu.
Shoqëria civile ka paralajmëruar një protestë kundër ligjit që lijon importin e mbetjeve të shtunën, më 1 tetor.
