Kryetarja e LSI-së Monika Kryemadhi dhe kreu i PDIU Shpëtim Idrizi kanë zhvilluar sot një takim që ka zgjatur rreth 3 orë në selinë e PD me kryedemokratin Lulzim Basha.
Në fokus të takimit ishte reforma zgjedhore, për marrëveshjen e të cilës ende nuk ka një kompromis.
Ambasadorët kanë bërë rolin e negociatorit në këtë reformë pasi ditët e fundit kanë mbajtur takime me përfaqësuesit e Këshillit Politik. Diplomatja amerikane, Yuri Kim deklaroi se marrëveshja është arritur dhe se “topi” tani i takon kryeopozitarit Lulzim Basha, ndërsa ky i fundit ka thënë se është dhe një çështje për t’u zgjidhur.
Dakordësia nuk është gjetur ende për depolitizimin e administratës zgjedhore.
