Ish-ministri i Edi Ramës, Ilirjan Celibashi, i ftuar në emisionin ‘Çim Peka LIVE’, deklaroi se nëse PS do të pranonte çdo kërkesë të opozitës, opozita duhej të premtonte se nuk do të kishte kontestime pas votimeve.
Sipas Celibashit, debati i tanishëm më shumë lidhet me përfitime politike se sa me reformën.
“Ajo që debatohet në mes palëve nuk më duket kaq substancë. Edhe nëse PS do të pranonte të gjitha kërkesat, nuk mendoj se do të krjijojë një disavantazh të madh PS, dhe nga ana tjetër një avantazh të madh PD.
Jam i sigurtë, se nëse opozita, shefi i opozitës do të thoshte se me këtë na sigurohen zgjedhjet dhe pas votimeve nuk do të kishte kontestime, jam i sigurtë që mazhoranca do ta jepte.
Unë shikoj një cic-mic, ku secili po kërkon të përfitojë politikisht, se sa në reformë”, tha Ilirjan Celibashi.
