Një trofe i festuar pas ndërprerjes nga pandemia e Covid-19 dhe suksesi i parë për një futbollist shqiptar në Hungari.
Naser Aliji u shpall fitues i Kupës së Hungarisë, pasi skuadra e tij Budapest Honved triumfoi 2-1 në finale. Mbrojtësi kuqezi u aktivizua në minutën e 84 të takimit, ndërsa u detyrua të largohej nga fusha në kohën shtesë, prej lëndimit pas përplasjes me një kundërshtar.
Ky episod nuk e prishi festën për djaloshin nga Kumanova, që me Kupën e Hungarisë regjistron trofeun e pestë madhor në karrierë, pas tre Superkupave të Zvicrës dhe Kupës së Lihtenshtejnit.
