Portieri i dytë i Bayern Munich, Sven Ulreich, pritet të largohet nga klubi në fund të këtij sezoni.
Siç ka deklaruar vetë ai, portieri 31-vjeçar është në kërkim të një klubi të ri, ku ai do të ketë mundësi të luajë më shumë.
“E qartë është se në sezonin e ardhshëm, unë nuk dua që të jem numri 3. Do provoj të gjej një klub të ri”, tha Ulraish për “Sport 1”, i cili në sezonin 2020-’21 pritet të jetë zgjedhje e tretë e trajnerit Flik, pas kapitenit Manuel Neuer dhe portierit që do të vijë për ta zëvendësuar nga Shalke, Aleksander Nybel.
Ulreich firmosi me Bayern Munich nga skuadra e Stuttgart në verën e vitit 2015 dhe deri më tani ka zhvilluar 68 ndeshje me kampionët e Bundesligës.
