Një ditë pas takimit maratonë me përfaqësuesit e partive politike shqiptare në Këshillin Politik të reformës zgjedhore, ambasadorët ndërmjetësues do të takohen me njëri-tjetrin.
Ambasadorja amerikane Yuri Kim dhe ai i Mbretërisë së Bashkuar Duncan Norman, do të jenë në orën 11:00 tek “Europe House” për t’u takuar me ambasadorin e Bashkimit Europian, Luigi Soreca.
Paralelisht, në selinë e Partisë Demokratike, kreu i saj, Lulzim Basha, do të zhvillojë një takim me ekspertët e opozitës për reformën.
Një natë më parë, Kim deklaroi se sa i përket Reformës Zgjedhore është bërë progres i jashtëzakonshëm dhe pasi përgëzoi socialistët tha se “topi” ishte në fushën e kreut të PD, Lulzim Basha. Edhe ai pranoi se është bërë progres, por ka mbetur vetëm një çështje për t’u zgjidhur.
