Gotze flet mbi rikthimin, rolin te Bayern, të ardhmen dhe Jurgen Klopp

Gjatë rikthimit të tij, Mario Gotze bëri një paraqitje të kënaqshme, duke ndihmuar kolegët e sulmit. Deri në momentin e zëvendësimit, Gotze kishte vrapuar plot 7,6 km. Pep Guardiola e ka lëvduar fantazistin e tij duke e cilësuar si një lojtar “special” dhe se ai di gjithmonë se ku duhet të vrapojë. Mbas ndeshjes, në intervistën me ZDF, Gotze shprehet për rikthimin e tij, roli i tij në skuadër gjatë javëve të fundit dhe për ish-trajnerin e tij Jurgen Klopp, i cili kërkon ta marrë me vete te Liverpool. “Vij nga një dëmtim, ishte një kohë e gjatë, normalisht që më duhet kohë të jem mirë fizikisht, por patjetër që dua të lauj, qoftë 2,3 apo pesë minuta.” Lojtari shpreson në një aktivizim në ndeshjen e Champions League kundër Juventus. “Kam shpresë, si çdo lojtar tjetër në ekip, edhe unë dua të luaj. Shpresoj të gjej ritmin e lojës sa më shpejt. Ky është qëllimi im momentalisht.” Gotze ka një kontratë deri në 2017 me Bayern, dhe momentalisht nuk ka bisedime rreth zgjatjes së kontratës. Trajneri Carlo Ancelotti do të jetë shumë i rëndësishëm për të ardhmen e talentit gjerman. Me të cilin akoma nuk ka pasur një bisedë personale. Krejt e kundërta mund të thuhet midis tij dhe ish-trajnerit të tij Jurgen Klopp. “I shkruajmë njëri-tjetrit ndonjëherë. Është normale, ka qenë trajneri im për shumë vite te Dortmund. Por nuk ka ndonjë gjë të veçantë këtu.” Pyetjes nëse ai do t’i bashkohet ish-trajnerit të tij në Premier League, Gotze i përgjigjet: “Jo, jo, jo.”