Pas takimit me ambasadoren e ShBA-së, Yuri Kim, atë të BE-së, Luigi Soreca dhe ambasadorin britanik Dunca Norman, mësohet se përfaqësuesit e opozitës në Këshilin Politik, Oerd Bylykbashi dhe Petrit Vasili do të zhvillojnë një takim me kreun e PD-së Lulzim Basha.
Mësohet se i pranishëm në takim është dhe kreu i PDIU-së, Shpëtim Idrizi.
Opozita ka kërkuar që sot në orën 17:00 të mblidhet sërish Këshilli Politik për Reformën Zgjedhore për të vazhduar me pikat ku kanë ngecur. Kjo kërkesë vjen pas negociartave me ndërkombëtarët.
Oerd Bylykbashi dhe Petrit Vasili pas takimit me ambasadorët Yuri Kim, Luigi Soreca dhe Duncan Norman kanë shkuar në zyrën e Bashës.
Identifikimi biometrik, votimi elektronik, depolitizimi i administratës zgjedhore dhe Kolegji Zgjedhor ishin disa nga pikat e nxehta, ku palët nuk arrinin që të gjenin një formulë të mirëpranuar nga të gjithë.
