Janë mbyllur tashmë 3 nga 5 ndeshjet e javës së 26-të të Kategorisë Superiore të Kampionatit Shqiptar, në të cilat është vendosur jo pak, por fati provizor i gjashtë ekipeve në luftë për mbijetesë, sikurse dhe në garë për një vend në Kupat e Europës. Kështu Vllaznia falë fitores të padiskutuar me rezultatin 3-1 ndaj Tiranës thuajse ka shpëtuar përfundimisht nga zona e ftohtë, gjithashtu duke larguar edhe bardheblutë nga objektivi i tyre për vendin e tretë që do t’i siguronte një vend në Kupat e Europës. Një objektiv për të cilin vijon gara mares Kukësit dhe Teutës, të dy me pikë të barabarta, 44, pas fitoreve respective ndaj Tërbunit dhe Laçit. Ky i fundit, në vend të gjashtë, tashmë ka reduktuar në vetëm 3 pikë avantazhin ndaj Vllaznisë së vendit të shtate.
Vllaznia ka fituar bindshëm në shtëpi ndaj Tiranës, me rezultatin 3-1, madje duke qenë autore e të katër golave, teksa edhe goli i bardhebluve, më shumë se nga këta të fundit u realizua nga vetë shkodranët, me anë të autogolit të Cicmil, që në minutën e 4’ të takimit duke kaluar 24 herë kampionët në avantazh. Ky i fundit, vetëm 6 minuta më pas ka shlyer fajin, teksa ishte po ai që barazoi shifrat në 1-1 në minutën e 10’ të ndeshjes. Vetëm 10 minuta më pas, në të 21’, kapiteni Shtubina ka përmbysur gjithçka duke kaluar Vllazninë në avantazh 2-1. Goli i sigurisë për shkodranët u shënua në minutën e 75’ nga Kalaja. Të shpërfytyruar, bardheblutë kanë qenë inekzistentë në fushë, për të regjistruar ndeshjen e 5-të pa fitore dhe humbjen e tretë në 5 ndeshjet e fundit. Një rezultat që gati shpëton përfundimisht Vllazninë nga zona e ftohtë, teksa pas javës së 26-të numëron po aq pikë, vetëm 3 pikë më pak se Laçi i vendit të 6-të. Në kampin tjetër, Tirana tashmë distancohet edhe më shumë nga vendi i tretë, teksa rendite në vend të pestë me 40 pikë, katër më pak se Kukësi dhe Teuta, që luftojnë për një vend në Europa League.
Me vështirësi por, ia ka dalur. Kukësi ka fituar minimalisht në shtëpi me rezultatin 1-0 përballë ekipit modest të Tërbunit, që renditet i pashpresë në fundin e klasifikimit. Skuadra e drejtuar nga Klodian Duro ka shpërdoruar më parë një rast për të kaluar në avantazh falë një 11-metërshi të akorduar në favor të ekipit kuksian, por Hasani ka shpërdoruar. Gjithsesi goli i avantazhit dhe i tre pikëve të çmuara nuk ka munguar, përkundrazi është realizuar nga bomberi i 2016-ës për verilindorët, Emini. Ky i fundit ka zhbllokuar shifrat në minutën e 72’, duke i dhënë Kukësit fitoren e katërt radhazi, për të mbajtur vendin e tretë të klasifikimit, ndonëse me pikë të barabarta me Teutën, 44.
Skuadra e Teuts eshte rikthyer te fitorja dhe rezultatet pozitive, pas disfates gati te pamerituar të pësuar në Korçë ndaj Skënderbeut, gjatë mesjavës. Ekipi i drejtuar nga trajneri Gugash Magani ka fituar 0-2 në transfertë ndaj Laçit, për të vijuar me ngulm ëndrrën për të siguruar vendin e tretë të klasifikimit, që do t’i siguronte durrsakëve një vend në UEFA Europa League. Skuadra e Teutës, ka kaluar në avantazh që në minutën e 9’ të takimit me anë të Johnatan, ndërkohë që ka dyfishuar rezultatin Magani në minutën e 61’. Nga ana tjetër, skuadra e Laçit, ka reduktuar shifrat në 2-1 me anë të Ademir, por pa mundur të shmangë disfatën. Me këtë humbje të radhës, tashmë Laçi gjendet në vend të gjashtë, vetëm 3 pikë më shumë se Vllaznia e vendit të shtatë.
Vllaznia – Tirana 3-1 Shënues: Cicmil 10′ Shtubina 21′, Kalaja 75’ / Cicmil 04′ (o.g) Vllaznia: Dragojeviç, Shtubina, Cicmil, Vrapi, Marku, Bardulla, Sefa, Kapaklija, Çinari, Kalaja, Dibra. Trajner: Armando Cungu Tirana: Bakaj, Smajli, Gërçaliu, Hoxhallari, Idrizaj, Papa, Malaj, Karabeci, Muzaka, Lika, Fukui. Trajner: Ilir Daja
Kukësi – Tërbuni 1-0 Shënues: Emini 72’ Kukësi: Koliçi, Hallaçi, Shamti, Malota, Mici, Nika, Hasani, Musolli, Flores, Dvornekoviç, Emini. Trajner: Klodian Duro Tërbuni: Haxho, Çema, Danaj, Beci, Kaçaj, Karakaçi, Gavazaj, Dedyn, Lala, Uilker, Jovanoviç. Trajner: Viktor Gjoni
Laçi – Teuta 1-2 Shënues: Ademir 85’ / Johnatan 09′, Magani 61’ Laçi: Selmani, Ademir, Çela, Sefgjini, Musaj, Mustafa, Muçmata, Dosti, Vuthi, Bardhi. Trajner: Stavri Nica Teuta: Rizvani, Lukiç, E. Hoxha, R. Hoxha, Kotobelli, Musta, Hila, Dita, Çyrnja, Magani, Johnatan. Trajner: Gugash Magani
